So Schnägg, jez chasch bim Walther Edi pfuuse
mach kei Krach ir Nacht süsch duet är sich de gruuse.
Bim Edi Walther do hesch"s gäbig,
i sire Garage isch"s immer läbig.

Jez muesch em zeige, das ou d"Schnägge chönne schaffe
schwierig klar, aber turne muesch nid chönne so wie d"Affe.
Es heisst"s so schön bim Reusser Team: "Schnäu und kompetänt"
S"gilt ou für Di Schnägg, "Dört wos brönnt und dört wos drängt".

Sini Ghüüdermanne lersch de ou no kenne
weisch, die wo mängisch müesse hinge noche renne.
Bim Rindlisbacher"s Edelmais, im Saau ganz hinge
hesch"s se ghört , "jo mir si aui", lisli singe
Iglaade worde sisi, mit em Ghüüder - Laster
dä het müesse parke dusse uf em Pflaster.

Es macht doch Spass ir Garage öppis z"repariere
oder mit em Töff usfahre "motorisiert spaziere".
Denn sini Hobby si ihm wichtig und nid vergäbe
dört tankt är d"Kraft wo är brucht im Läbe.

Vor zwööi Johr, im Mai, jo do chasch stuune
heisi für ne GV , die ganzi Haue dörfe use ruume.
Sie hei weni Zyt gha, chli e Hascht
der Gwärbverein vo Biberischt isch cho z"Gascht.
Dass bim feine Ässe ou no öppis chasch verzöue
muesch entspannt si logisch, ouso , Palme inne stöue.

Mi chönnt fasch gloube är isch Fän vom Niki Lauda
bim schaffe het är ständig sini roti Chappe au a
der Niki, dä isch g"fahre wie der Wind
aber der Edi louf"t bereits so gschwind.

So "Ich habe fertig" Schnägg, chunsch druus
jez geit"s inne, i dis neue Huus


Biberist im Jahre 2 der Herrin anno 2007

d"Obernärrin
Susanne Scheidegger

dr Sprüchlischriiber
Martin Scheidegger