So Schnägg jetz chasch bim Koni Imbach wohne
und wenn schön brav bisch duet är di ou nid klone.
Vilich lersch de au sie Frou und Ching no kenne
auso due nid blöd , süsch vö sie afo renne.

Der Koni isch e Häuptling bi de Schwarze
i rede vor Partei und nit vo irgendere Warze.
D"Politik das isch haut scho sis Ching
für das geit är immer gärn i Ring.
Es würd mi au nid fescht erschrecke
wär är uf Bärn si Chopf go inne strecke.

Zum Glück steit är nümm elei im Räge.
dr Bürgerrot und"s Houz si ihm so fescht am Härze gläge
Houzschnitzu het är ständig wöue verkoufe,
mit aune Argumänt , sini chönne sogar loufe.
Der fini Stoub ir Luft wo dir der Schnuff duet roube
isch nid vom Houz das muesch mer eifach gloube.
Het är de mou e Heizig dörfe boue
isch är vor Freud grad i die nöchschti Beiz abghoue.

Der Koni duet gärn rede und verzöue
ous Kantonsrot hei mir ne jo so wöue.
Guet, är duet mängisch fähle
aber wäge däm chöi mir ne glich no wähle.

Diräkter ischer, s"isch würklech wohr
de Chömifäger git är sis Mu und Ohr.
Uf Aarau chaner, sich go profiliere,
muess dört d"Chömmi nid säuber go poliere.
Nei , es schön"s Büro wartet , si Oase
mit Aquarium und zwe Bluemevase

Uh Schnägg i glaub, ig höre uf
süsch nimmt dr Koni dir der Schnuuf.
Wenn lieb bisch duet är"s richte
und nimmt di nid dra wäg dene Gschichte
ob aues wohr isch , chasch fasch nid prüefe
drum wenn öppis fäut gang"s uf www.schnaegg go aberüefe


Biberist anno 2006

d'Obernärrin
Susanne Scheidegger

dr Sprüchlischriiber
Martin Scheidegger