D"Fasnacht isch jo jetz verbii
Ig mache s"nöchscht Johr witer.
Jetz han ig zerscht es bitzeli Rue
Ir Druckerei vom buetiger

Og hoffe schwär, dass Paul mi mag
Und mir ou öppis mag de gönne.
Ig goh derfür im Ougschte de
Mit ihm as Velorönne.

Wär weiss, wenn ig im G"schäft muess chrampfe
De geit die Zyt so schnäu verbj
Eis Johr lang tüe d"Maschine dampfe
Und de isch scho wieder Hilari.

Hoi Paul, ig chume jetz zu dir
Du söttsch mi hüete, z"Ässe gäh und z"trinke,
dass ig am nöchschte Hilari
no gsund bi, und aune Narre cha winke.

Scho frühner, so mag ig mi bsinne
Ha ig ir aute Druckerei es Johr lang gschpunne.
Damals bim Büetiger Paul, em Senior
Bin ig verlochet gsi, es ganzes Johr.

Ig möcht a d"Expo mit em Paul
Um am Arteplage z"flaniere
Doch glaubed mir, ig tue de ou
Z"Murte und z"Neueburg spatziere.

Aus Ämmeschnägg, ig freu mi jo
Das ig nid im Kreis mues warte.
Ig gloube de, es sig mir jo
Vüu wohler im Büetiger sim Garte.

Biberischt am 13.Horner 2002
Der Obernarr
Kurt Rohner

Der Tagessekretär
Markus Sutter

Der Verslischmied
Martin Rellstab