I ha als Schnägg doch es schöns Läbe
Drum wott i wider einisch säge:
"D"Fasnacht isch die schönschti Zyt
Wo"s für mii all Johr wider gitt."

Zum Grütter Markus chum i gärn
I hoffe s"wird so schön wie färn.
Im Bleicheberg kenn i mii uus,
Bi dört scho gsii i mängem Huus.

Ou uf Dy Frau freu i mii fescht.
Macht sie mit mir äch grad e Tescht,
Was i verschtoh vo der Kultur?
I lehre gärn Neus, bi nid schtuur!

Nöchscht Sundi si Kantonsrots-Wahle
Chasch Du äch de am Obe schtrahle?
I bi der erscht wo"s Dir möchte gönne
Wenn Du e Sitz gwünsch bi däm Rönne.

D"Zunftmeischterin vo"r Biberzunft
Hofft jo ou fescht uf d"Wähler-Gunscht.
Wenn Euch grad Beidne d"Wahl tät glinge
Chönnt üsers Dorf doch nume gwünne!

Jetzt ha n i no a Dii e Bitt-
Wenn"s nöchschtens wider z"rede gitt,
Wär mitts im Kreisu de söll schtoh,
Vo mir uus cha de Biber goh.

I müesst dört n"ume Abgas schmöcke
Der Lärm würd mii doch gäng erschrecke
Chönnt nümm ir Gägend ume schlyche
Nümm z"Bsuech zu Arme und zu Ryche.

I wott doch Für Dii usefinge
Was Du i der Bütt chasch bringe
Wenn am Hilari de darfsch brichte
Was s"ganz Johr hesch erläbt für Gschichte.


Anno Domini
Biberussa, 28. Horner 2001

Der Obernarr
Kurt Rohner

Die Narrenschreiberin
Manuela Dick

Verfasser und Värslischmied
Ruedi Iseli