Proklamation 1992

Bym Fontana Fridolin, em Elektro-Fachmaa,
Ha ig s'letscht Johr my Herbärg gha!
Zerscht hett's gschtunke vo dr Biber-Nova,
Jetz' rouchne d'Gringe wäg em Lager da!

Doch für my louft's jetze ganz rund,
Denn was jetze uf my zuechunnt,
Ha ig nämlich überhoupt no gar nie gha,
Eifach gseit, das isch Schnägge-Nova!

Nach 3 mal 11 Johr Männerherrschaft,
Hett's by de Narre ändlich 'Klick' gmacht!
Byr 34. Herbärg, so ha yg's ghöre töne,
Tüe my e Herbärgsmuetter verwöhne!

Ar Waudschtross wohnt d'Strausak Barbara,
Dört darf ig für es Johr my neu Herbärg ha.
Cesi, für Yfersucht isch de öppe kei Platz,
D'Barbara isch haut ou für my e liebe Schatz
!
Aus Ämmeschnägg cha ig jetz' guet lache,
Und dir Narre müesst euch kei Sorge mache!
Andlich lehr ig schtricke, nähie und lisme,
Und cha mieni Socke säuber verwiefle!

Verby isch's mit dr Salatblettli-Choscht,
Ig lehr ändlich choche, jo sappermoscht!
D'Barbara zeigt wie me tuet Züpfe bache,
Näbscht no angerne, ganz feine Sache!

Wenn de dr Cesi my no uf e Bou mitnimmt,
Und s'Wätter de ou no grad schtimmt,
De cha ig uf de Dachfirschte umethrone,
Und so isch's schön, by Strausak's z'wohne!

Für my wird das es interessant's Johr,
Denn ig ligge sicher nit nume uf em Ohr!
Ou d'Barbara lost guet ume und hett d'Ouge offe,
Und verzöut s'nöchscht Johr ir Bütt, was isch gloffe!

Anno Domini 1992
Biberist, 4. März

Der Obernarr
Werner Jäggi

Der Narrenschreiber
Thomas Fuchs