Ventil-Blöterler mit Schnitzelbänken

Mit zum Teil selbstgebastelten Musikinstrumenten waren die ersten Ventilblöterler nicht nur am Fasnachts-umzug dabei, sondern traten am Schmutzigen Donnerstag und am Fasnachts-Dienstag auch mit einer eigenen Schnitzelbank auf. Die allererste Schnitzelbank ist in Textform und einem Audioclip von der Schnitzelbank-Hauptprobe vorhanden.

1.

2.

Z"Biberischt und z'Gerlafinge
jo do heisi herti Gringe
die si jetze scho am Haag
mit der neue Kläranlag
drum düe mir dä Seich jetz kläre
ändlich muess doch öppis häre
irgendwo do rünnt e Leitig oder zwe.

Es wär si mol derwärt go z"ghöre
was si so imene Gmeinrot schnöre
vom achti bis es halbi eis
es Ziel do heisi nume eis
si rede nid die brave Bürger
vo Mord und Totschlag und vo Würger
si rede nume vo der Grütt-Kanalisation

3.

4.

Es cha sich mängisch gar dumm breiche
wenn s"miits im Dorf bisch, muesch go seiche
De chasch doch nid mit dere Plag
Eifach zum nöchschte Gartehaag
De muesch de säge s"wär bau Zyt
Wenn"s sones Bisi-Hüsli git

Der Liechti Buur, das isch doch d"Würze
Tuet nachemene ganze Johr no gnürze
Wägem Liecht vom Schnägge-Trämmli
Sächzig Rappe choscht das nämli
Doch Liecht häb Geduld bigoscht
Es chunnt halt mit der Schnäggeposcht
Irgendwo do rünnt e Leitig oder zwe.

5.

6.

Wenn muesch go zeige dini Waffe
darfsch no so lang das Tram agaffe
süsch chunsch du guete Tällesohn
no spot für a d"Inspäktion
Schaffhuser hätsch doch s'Trämmli gno
de wärsch bestimmt nid spöter cho
irgendwo do isch e Dichtig nümme guet.

Letschthin hets grägnet wiene More
Pfüürwehr het fasch der Gring verlore
hei pumpet gschöpft si umeglofe
der Amme wärne bau versoffe
es wär bald Zyt me würd das kläre
wenn Dorfbachmur chunt häre
irgendwo do rünnt e Leitig oder zwe.

7.

8.

E Wällesittich isch versoffe
d'Frau Schnyder Fredu die isch gloffe
der Dokter dä het gstutzt
worum hets ächt dä Hansi putzt
im Doktorbuech het er du gfunge
dä Vogu het e nassi Lunge
s'ischem nümme zhälfe, dä isch i asti gheit.

Der Lehrer Strub vor Abschlussklass
dä isch vor Erger jetz no nass
Disziplin und nüd lo ligge
seit er siner grosse Kligge
der Rucksack mit em Znünifrässe
het er aber glich vergässe
irgendwo do isch e Dichtig nümme guet.

9.

10.

Bevors so gschiffet het, hets gschnneit
alli Lüt hei sgiche gseit
z'Biberist hets, muesch nume stuune
Elite Truppe wo Schnee tüe ruume
am Morge womer zum Näscht us si
si alli Strosse schneefrei gsi
doch das wär e Fall wo no zum kläre wär.

Wenn s'Giriz ab wosch laufe
muesch vorhär Stifu chaufe
es bitzeli töif ischnufe
d'Auge zue, süsch tuets der gruse
Kopp Albert, di fIüssig Mischt
isch schönschte BiId vo Biberischt
irgendwo do isch e Dichtig nümme guet.

11.

Wenn mer eine hei vergässe
de soll er ohni Bis jetz frässe
soll einisch uf de Fälge cheue
so cha si Schnuure einisch leue
s'het zwar no mänge wo mir wüsse
wo nid grad het es ruehigs Gwüsse
es rünnt no mängi Leitig und nit jedi isch ganz dicht.